Lego...

Assalamualaikum adik kakok abe-abe...

Haa wojik jawab! xjawak doso..hehe.. ambo nk oyak bui adik kakok abe-abe sekalian, ambo ni br bulih bukok blog..nk oyak br bulih pegae keybod nawok bena la..sbb ambo kijo meme paka komputer ari-ari!haha...

ambo ni adik kakok nk oyak bui bz molek semggu duo nih.bos ambo bui task special.lain sikit dari sekalo.tugas ambo hok ssokmo doh tu meme ado x soh oyak la hok tuh..kali ni ambo nk oyak nyo, ambo diassign oleh bos ambo untuk design kad rayo dan sampul duit rayo untuk tempat ambo kijo loni lah..

aloss parok kaklos tuh..tapi xpo.ambo ambik sebagai cabaran..tp gak mulo2 buat tu xpo lagi.pah dae lamo2 gak..hmm puah wei.sero nk tolok tawaran nih.tp x kae nk tolok gitu deh.x molek la wak kijo lagutuh.ore cayyo ko kito.keno wak sudoh jugok la kok lagumano pong..ko guano..deh?

pah dari mggu lepah pah ko arini la ambo ni gak pagi petae sie male duk wak mugo kad dae sampul duit rayo la kijo nyo.doh bos nk cepat.pah arini ambo ata ko committee untuk komen dan approval..berehh..ambo malah nk belek lamo2 design ambo tuh..koho belek koho banyok bendo nk tamboh.kito loh ko sek committee la nk decide.puah cemuh doh ambo wey!

design ni adik kakok meme bidae hok ambo minak la.jak skoloh lagi sapa lah ko loni.ambo ni meme antaro ore hok saing2 suruh design atau melukis..haa 1 lg ambo ni berehi jugok lukih katun.haha..biar dop comey mano pong.ccaro apo ambo.katun ambo ikut sedak ambo la..

loni nyo ambo lego sikit la.sero free sikit maso..tunggu demo committee la pulok oyak lagumano.kalu demo tu suko xpola..kemahh.. kalu xsuko??? hmm jawab dio ambo keno edit lagi laaaaa..dok pong keno buat semulaa.........adooo laa....jeng molek ambo!